Jass- und Kegelabend vom 20. Januar 2007

 Mer hend üs alli am achti im Neudietfurt troffe. Will mer nöd gern z’spot sind,

sind mer scho e halb Stund frühener döte gsi. Es isch no niämert ume gsi und drum hend mer no vor em Restaurant gwartet. Wo den die erste cho sind, sind mer gad hinä no. Mer hend noch dä Erklärige gad scho chöne goh Kegle. D’Nicole und d’Martina hends gad scho super im Griff gha im gegesatz zu dä Cristina und dä Carina. Aber förs erste mol Kegle sind mer gar nöd emol so schlecht gsi. Wo sis den au mol gschafft hend sind mer übere goh Jasse. Mer hend dä letscht Platz ignoh und mit Jasse agfange. Für da das mer nöd so güebti Jasser sind sind mer guet voracho.

Wo üses Blatt volle gsi isch hends mer zämä grechnet und abgeh. Noch dem hend mer nochli „g’Arschlöcheret“ und en „Folterjass“ gmacht.

Mer hend immer öpis zum lache gha und hend dä Obet super gfunde.

 Mer danket dä Susanne Rüttimann für die toll Organisation und sind scho gspannt uf d’Rangliste.

 Martina, Cristina, Nicole und Carina